Evrópa við erum hér

Ég vona að vinstri menn nái saman um Evrópumálið sem fyrst. Ég get ekki skilið hvaða tilgangi það á að þjóna að fara fyrst í þjóðaratkvæði um viðræður. Síðan í aðildarviðræður og eftir það í  aðrar þjóðaratkvæðagreiðslu. Fólkið í landinu verður  að  vita um hvað verið er að kjósa. Það getur ekki vitað það nema að undangengnum aðildarviðræðum. Því miður virðist manni tvöfaldri kosningu ekki ætlað neitt annað en að tefja málið. Er það lýðræðislegt?

Ekki víst að langt sé í land

Athugasemdir

[Marteinn Unnar Heiðarsson, 27.4.2009 kl. 21:09]

Hverslags helvítis landráðsflokkur er þessi samfylking er henni alveg sama um fólkið og heimilin í landinu.Jóhanna er búin að tala og skilaboðin eru skýr,ef þú samþykkir ekki ESB núna ertu ekki með hverslags valdnýðsla er þetta eiginlega????Hún vill afsala lýðveldi okkar til ESB enda hefur samfylkingin ekkert annað fram að færa en ESB í vanda landsins.Þarf ekki núna að gera uppreisn og þá meina ég alvöru uppreisn þar sem nokkrar löggur ráða ekkert við,eða er fólki bara alveg sama og vill afsala sér lýðveldi landsins í boði samfylkingarinnar.Hvernig væri nú að stjórnmálamenn í landinu sem vita eitthvað um það hvort ISG og Össur séu búin að standa í leynimakki á bakvið þjóðina oppni sig nú og segi sannleykann,þetta er ekki eðlilegt hvað samfylkingin sækir stíft í ESB nú og allrasýst þar sem það mun ekki bjarga okkur einsog er eða býr eitthvað annað þarna á bakvið sem við vitum ekki!!!!! Ég vill svör..................

[Hjálmtýr V Heiðdal, 27.4.2009 kl. 21:50]

Alltaf gaman að lesa málefnaleg innlegg. Alltaf leiðinlegt að lesa ómálefnalegar upphrópanir eins og Marteinn býður uppá.

[Marteinn Unnar Heiðarsson, 27.4.2009 kl. 22:03]

Hjálmtýr ertu eitthað hissa á því að maður tali svona um sossana,hvaða upplýsingar hafa þeir komið með handa þjóðinni varðandi ESB inngöngu??Held að ég geti alveg svarað því sjálfur,þær eru eingar nema við ætlum í ESB hvað sem tautar og rular.Ef flokkurinn hefði einhverja stefnu í ESB aðild annað en leynimakk milli manna í staðin fyrir að veita upplýsingar til þjóðarinnar væri kannski málið einfaldara.En það virðist eitthvað erfitt fyrir ESB sinna að ræða þessi mál opinberlega og hversvegna er það??

[Gunnlaugur Ingvarsson (IP-tala skráð) 27.4.2009 kl. 22:03]

Málefnanleg innlegg.

Það hefur nú ekki allt verið mjög málefnanlegt sem frá þessum ESB sértrúarsöfnuði hefur komið, eða hitt þó heldur

Mér finnst innlegg Marteins Unnars hér að framan bara staðfesta það að það eru mjög miklar og þungar tilfinningar í þessum málum af hálfu okkar andstæðinga ESB aðildar.

Þið ESB aðildarsinnar ættuð ekki að gera lítið úr því eða reyna að vanmeta það, þó svo þið hafið alla "elítu" fjölmiðlanna með ykkur í skefjalausum ESB áróðrinum.

Við sem erum gegn ESB aðild treystum alls ekki Samfylkingunni í þessum málum og við höfum fulla ástæðu til að ætla að við sem erum gegn ESB aðild séum raunverulega góður meirhluti þjóðarinnar, en ekki öfugt eins og þið reynið alltaf að láta í veðri vaka, þó svo að allar skoðanakannanir sem gerðar hafi verið undanfarið sýni að andstæðingar ESB aðildar eru í meirhluta meðal þjóðarinnar.

[Guðrún Katrín Árnadóttir, 27.4.2009 kl. 22:29]

Marteinn og Gunnlaugur . Það sem Samfylkingin vill er að fara í aðildarviðræður svo  þjóðinn viti um hvað hún hefur að velja. Síðan vil ég benda ykkur á að það eru til fleiri , fleiri bæklingar og heilu bækurnar um það hvað felst í aðild að ESB. Þessar bækur og bæklingar hafa bæði verið gefnar út af Samfylkingunni og öðrum, auk þess eru fullt af upplýsingum á veraldarvefnum. Samfylkingin vill að þjóðin ákveði hvort við göngum inn í ESB. Anstæðingarnir vilja koma í veg fyrir það með öllum tiltækum ráðum. Þjóðin ræður að lokum , kynnið ykkur málin.

[Marteinn Unnar Heiðarsson, 27.4.2009 kl. 22:46]

Guðrún það er einmitt sem maður hefur gert það er að sækja sér vitneskju um ESB á vefnum en ekki frá einstefnu áróðusflokki einsog sossarnir eru.Þers vegna vill maður vita hvað þið ætlið að bjóða Brussel fyrir aðild,það kemur voða lítið fram um það frá ykkur.Við vitum sirka 98% af reglum þeirra sem eru innan ESB en þessi 2% eru aðalmálið,það eru landbúnaðurinn fiskurinn og auðlindirnar sem eru aðalmálið og um þær er mjög lítið hægt að semja um innan ESB.Og haldiði að við fáum einhverja sérmeðferð einsog þið talið um samkvæmt reglum ESB er hægt að semja um aðlögum og ekkert annað.Ef mig minnir rétt þá var Norðmönnum boðin 3ja ára aðlögum varðandi fiskveiðar og ekki er nú landbúnaðurinn að ganga of vel í Svíþjóð og Finnlandi þó að ESB elíturnar segi annað.Og ertu þá nokkuð hissa á því að maður vilji vita hvað þið ætlið að bjóða eða réttara sagt fórna fyrir að komast til Brussel.

[Guðrún Katrín Árnadóttir, 27.4.2009 kl. 22:54]

Það veit það eflaust engin fyrr en við höfum hafið viðræður um það. og þá fær Þjóðin að kjósa hvort hún vill ganga í ESB eða ekki. Það verður þjóðin sem ræður á endanum.

[Sævar Finnbogason, 27.4.2009 kl. 23:29]

Afhverju er fólk alltaf svona logandi hrætt við allt sem ekki er Íslenskt og helst með hreystur eða ull og með lögferstum kvóta :)

[Offari, 27.4.2009 kl. 23:58]

Því miður virðist manni tvöfaldri kosningu ekki ætlað neitt annað en að tefja málið. Er það lýðræðislegt?
 

Sæl Guðrún ég tek það fram að ég er orðinn öfgasinnaður Esb andstæðingur. Ég hef reyndar aldrei verið fylgjandi aðild en verið fylgjandi aðildarviðræðum sem þjóðin fengi svo að kjósa um. Það er ekki hægt annað en að sætta sig við lýðræðislega niðurstöðu.

Óstandið hefur hinsvegar gert mig harðar gegn aðildarviðræðum því ég tel það heimskulegt að fara í viðræður núna þegar allt er að fara til fjandans. Mér finnst líka ósmekklegt af Samfylkinguni að notfæra sér óstandið til að þvínga aðra flokka til aðildarviðræðna.

Ég hef fylgst hérlendis með sameinigum sveitarfélaga og útgerðarfyrirtækja þar sem loforðin og rökin voru svipuð og hjá fylgismönnum Esb. Niðurstaða þeirra sameiningar hefur oft endað með því að þeir litlu tapa og stóru vinna.

Ég tel Ísland alltaf koma til með að vera lítið peð í Evrópu hvort sem þeir ganga í Esb eður ei. Ég tel meiri líkur á að landið tapi á aðild en að það standi í stað eða græði á aðild. Ég tel samningsstöðu okkar veika núna og tel betra að skoða aðildarviðræður þegar samningsstaðan er sterk.

Ég er líka hræddur um að björgunaraðgerðir tefjist ef farið verður í aðildarviðræður því á meðan beðið er eftir innihaldi pakkans verður lítið gert til bjargar heimilum því Esb á að bjarga okkur út úr óstandinu. En hvað gerist þá ef sveltandi heimilin hafni aðild?

Ég tel það lýðræðislegra að þjóðin fái að velja hvort hún vilji fara í aðildar viðræður núna en að fara í aðildarviðræður og spurja svo. Ég tel að Ísland eigi auðveldara með að vinna sig út úr óstandinu eitt og sér en í einhverju evrópusamstarfi.

Ég tel það vera vitlausa forgangsröðun að fara nú í aðildarviðræður frekar en að beita kröftum sínun í björgunaraðgerðir til bjargar heimilum, fyrirtækjum og bankakerfinu. Ég tel það vera að gefa skít í þessa þjóð að fullyrða það að við séum ekki fær um að bjarga okkur sjálf og neyðumst því að ganga í Esb.

Ég hef frekar trú á því að landið vaxi í áliti ef það sýnir fram á að það sé fært um að bjarga sér sjálft en ef það þarf að sækja björgunina erlendis frá. Ég veit vel að þú lítur allt öðruvísi á málið en vona að þú skiljir þennan hita sem er í fólki.

Ég er ekkert viss um að sá illi bifur sem ég hef á Esb sé réttur en mig langar ekkert að kanna hvort ég hafi rangt fyrir mér.

[Sævar Finnbogason, 28.4.2009 kl. 00:12]

Offari ég er sammála því að það er ekki hægt annað en að sætta sig við lýðræðislega niðurstöðu. Við verðum bara að setja þetta mál í ferli og einhenda okkur í björgunnaraðgerðirna í kvelli samhliða. Við hljótum að geta gert bæði í einu.

[Guðrún Katrín Árnadóttir, 28.4.2009 kl. 11:41]

Takk fyrir málefnallegt innlegg Offari.

Ég get í sjálfu sér skilið þau rök og ótta sem þú setur fram hér. Það er mannlegt að óttast hið óþekkta. Það er samt þannig  að hvort sem við förum í aðildarviðræður eða ekki þá þurfum við alltaf að kynna fyrir þjóðinni hvað fellst í því að ganga inn í ESB. Það fer  alltaf bæði tími og peningar í  það, við getum ekki ætlast til þess að þjóðin kjósi um eitthvað sem hún þekkir ekki. Ég lít einnig svo á að það að leita eftir aðildarviðræðum sé hluti af þeirri endurreysn sem við stöndum frammi fyrir núna. Við erum komin með annan fótinn inn í ESB þar sem við erum  í EES, hvers vegna ekki að fara með báða fætur þangað? Ég treysti þjóðinni til að dæma um það í kosningum hvort ESB sé góður kostur fyrir okkur eður ei en fyrst þurfum við að vita hvað við fáum. Það vill örugglega enginn fara í ESB ef okkur bjóðast eingöngu slæmir kostir. Og við sættum okkur ekki við slæma kosti, en við vitum ekki hvað við fáum. 

[Sigurður Gunnarsson (IP-tala skráð) 28.4.2009 kl. 13:00]

Ég er eindreginn stuðningsmaður aðildarviðræðna um ESB. Ég er einnig svarinn andstæðingur kvótakerfisins og vil að byggðaréttur sé í hávegum hafður við úthlutun veiðiheimilda og að tekjur af veiðirétti gangi til sveitarfélaga og ríkis. Ég tel að vaxtaokið sé höfuðvandamál íslenskra fjölskyldna og að verðtrygging skuldbindinga geri lánveitendur óábyrga í aðgerðum sínum. Það er sama hvað þeir eyðileggja gjaldmiðilinn skaðinn lendir alltaf á lántakendum. Ég er líka mjög óánægður með að árangur margra ára kjarabaráttu sé eyðilagður á nokkrum dögum með falli gjaldmiðilsins. Ég er einnig landsbyggðarmaður og mér ofbýður yfirgangur Stór-Reykjavíkur gagnvart landsbyggðinni. Mér finnst líka ólíðandi að reglugerðir ESB gildi á Íslandi en við höfum engin áhrif á setningu þeirra. Þá er ég sannfærður um að sameiginlegur gjaldmiðill, sameiginleg tollafgreiðsla og frjáls markaðsaðgangur í ESB muni stirkja íslenskt samfélag gríðarlega. Ég er sannfærður um að aðildartilboð muni færa okkur bættan hag á nánast öllum sviðum. Þess vegna vil ég að farið verði í aðildarviðræður strax. Verði niðurstaðan hins vegar ekki eins og ég vænti þá mun ég greiða atkvæði gegn samningnum í þjóðaratkvæðagreiðslu. Það er í hæsta máta ólýðræðislegt að hindra málefnanlegan undirbúning byggðan á viðræðum við ESB og þjóðaratkvæðagreiðslu í kjölfarið. Þeir sem hafna viðaldarumræðum og Þjóðaratkvæði eru hreinlega ekki lýðræðissinnar heldur forsjárhyggjusinnar. Þeir ganga út frá því að meirihlutinn viti ekki hvað er þeim fyrir bestu. Það er hættulegt viðhorf

[Jón Halldór Guðmundsson, 28.4.2009 kl. 13:21]

Alveg er undarlegt að lesa málflutning þeirra sem eru andvígir því að við ræðum við ESB um inngönguskilyrði Íslands.

Mér sýnist að afstaða þeirra mótist af fordómum, fremur en málefninu.