Vöndum okkur no.1,2,og 3.

Nú er ég sammála þér Ögmundur. Ég er að verða þeirrar skoðunnar að betra sé að flýta sér hægt í þessu efni. Þetta frumhlaup Hollendinga um að hvetja Alþingi Íslendinga til að skrifa undir  ( það kom fram í fréttum sjónvarps í kvöld ) vekur upp enn fleiri efasemdir í mínum huga en áður. Hvers vegna þurfum við að flýta okkur svona?  Af hverju ekki að vanda sig og gefa sér tíma? Þetta er risaverkefni sem skiptir þjóðarbúið miklu máli.

Ögmundur: Hugsum um þjóðarhag

Athugasemdir

[Sigurður Þórðarson, 22.7.2009 kl. 07:25]

Innilega sammála.

Þetta er ákvörðun um hag barna barna okkar og jafnvel miklu lengra en það.

Það væri misráðið að merja í gegn ákvörðum með einu eða tveimur atkvæðum þingmanna, sem kosnir eru til fjögurra ára, því ákvörðunin mun breyta lífi komandi kynslóða.  Þetta mál ætti að vera þverpólitískt.

Leyfum Evrópuhraðlestinni að fara hjá.

Nú er ekki rétti tíminn til að gefa auðlindir okkar. Við þurfum á þeim að halda til að vinna okkur út úr vandanum.

[Jón Halldór Guðmundsson, 22.7.2009 kl. 08:49]

Tek undir með Sigurði. Við eigum að fara á fullt í viðræður við ESB um aðild og samstarf.

[Jón Halldór Guðmundsson, 22.7.2009 kl. 08:52]

Obbbs.Tek líka undir með Sigurði um auðlindirnar okkar.  Ég er, eins og hann, á móti framsalsþættinum í kvótakerfinu.  Það er rétt hjá honum að ef þú lætur einhvern hafa eitthvað til að nýta það, þá er það ekki sami hlutur og að láta einhvern hafa einhvern hlut, sem hann má selja.

[Guðrún Katrín Árnadóttir, 22.7.2009 kl. 12:01]

Ég bara skil ekki hvers vegna menn eru að rugla saman icesave og Evrópuumræðunni. Ég er eindregin stuðningsmaður þess að við sækjum um aðildarviðræður í ESB . Ég get ekki séð hvernig það kemur icesave við. Það eina sem ég hef komist að í sambandi við icesave er, að ef það dregst að semja um þessi mál þá eiga bankarnir erfiðara uppdráttar. Sem þýðir væntanlega að  gjaldeyrismál, húsnæðislán, bílalán verða áfram í heljargreipum. Það verður kannski ekki hægt að koma af sama krafti til móts við heimilinn í landinu eins og efni stóðu til. Ég hef hvergi getað fundið út að þetta tengist ESB umræðunni.

En eiga útlendingar hvort sem er ekki bankanna, fiskimiðinn og næstum því allt ísland nú þegar?  Við getum þakkað Sjálfstæðisflokknum það og eru þá ekki allir sáttir??

[Guðrún Katrín Árnadóttir, 22.7.2009 kl. 12:04]

Fyrst ég er kominn út í ESB umræðuna þá er ég ekki tilbúinn að samþykkja samning þar sem við afsölum okkur auðlyndum okkar. Ég vil sjá samninginn fyrst áður en ég tjái mig um hann. En ég veit að ég fæ að kjósa um hann og þá get ég sagt mína skoðun.

[Sigurður Þórðarson, 23.7.2009 kl. 00:28]

Ríkisstjórnin áætlar að eyða einum milljarði í þessar viðræður aðrir telja að kostnaðurinn verði mun hærri. Mitt mat er að þessum peningum sé illa varið. Það sem verra er að það fer gríðarlegur tími í þessar umræður, tími sem mætti nota til uppbyggingar.  Eftir dúk og disk verður farið í kosningar um samningsdrög sem taka mið af Rómarsáttmálanum og þá verða kosningar sem þjóðin mun að öllum líkindum hafna. Jafnvel þú myndir hafna samningsdrögunum af því að þú vilt ekki afsal auðlindanna.

Auk þess myndum við missa allt forræði yfir utanríkisviðskiptum og allir fríverslunarsamningar Íslands myndu ógildast. Það eina sem við gætum grætt á aðild er sterkari gjaldmiðill en það er fjarlægur möguleiki  vegna þess að fyrst  þurfum við að koma skuldastöðunni í lag og styrkja krónuna, þetta gæti tekið áratugi sérstaklega ef Íslendingar taka að sér Icesave því þá verðaur þjóðin gjaldþrota.  Aðildarumsóknin er því tíma- og peningagreiðsla og eftirsókn eftir vindi.