Það verður að koma heimilum til hjálpar strax.

Ég vona svo sannarlega að stjórnvöld bjóði upp á róttækari aðgerðir en hingað til hefur verið boðað til á alþingi til hjálpar heimilunum í landinu. Ég tel raunhæfast að lækka vexti á húsnæðislánum niður í 2% strax, það ætti að koma öllum til góða. Þrátt fyrir lækkun vaxta þarf meiri stuðning  við ungar fjölskyldur sem eru að koma þaki yfir höfuðið í fyrsta skiptið. Það má að sjálfsögðu deila um það að margir dönsuðu djarft í hinu svokallaða góðæri. Það fólk er sennilega  verst sett núna. En  þrátt fyrir að það hafi tekið  djarfan þátt í hrunadansinum þá þarf þetta fólk á stuðningi að halda núna ekki síður en aðrir. Það er miklu betra fyrir þjóðina að þetta fólk sé í húsunum sínum og borgi a.m.k. eitthvað af höfuðstólnum heldur en að heimilin fari í gjaldþrot.

Ég vona að viðunandi lausn finnist á þessu núna á þessu sumarþingi. Fólk getur ekki beðið lausna fram á haust.

Leiðréttingu, ekki ölmusu

Athugasemdir

[Jón V Viðarsson, 24.5.2009 kl. 13:14]

Hvernig væri að koma með lausnir eins og að fólk þurfi núna að leggja meira á sig og drífa sig til Noregs að vinna og senda svo launin til Íslands. Ríkið gæti niðurgreitt ferðir til og frá Noregi svo fólk ætti auðveldara með að hittast á meðan versti vandin gengur yfir. Pólverjar og fleirri þjóðir koma í algjörri neyð til Íslands til þessa að bjarga því sem bjarga þarf heimafyrir. Það er engin sem kemur og hisjar upp bugsurnar á fullorðnu fólki, við þurfum að gera það sjálf.

[Viðar Ingvason (IP-tala skráð) 24.5.2009 kl. 15:56]

Fátt bendir til að raunhæfar aðgerðir fari i gang á næstunni. Það styttist í hustbyltinguna, stjórnvöld eru að falla á tíma.