Það var tími til kominn

Löngu tímabært að segja upp þeim sem voru við stjórnvölinn í bönkunm þegar þeir hrundu. Mér segir svo hugur að taka megi enn betur  til hendinni meðal stjórnenda bankanna.

Það vekur hins vegar athygli mína að kröfuhafar skuli hafa verið ósáttir við þessa aðgerð. Hvers vegna skildi það vera?

Mannanna ekki lengur þörf

Burt með bankaleyndina

Er að undra að við búum í landi þar sem klíkuskapur og einkavinavæðing hefur viðgengist svo áratugum skipti. Lögin  virðast vernda menn frá hinum ólíklegustu glæpum, ekki síst þegar um fjársýslufólk er að ræða. Bankaleynd gerir ekkert annað en að hylma yfir fjárglæframönnum. Frelsið er þeim takmörkunum háð að menn gangi ekki á rétt annarra, það er nákvæmlega það sem útrásarvíkingarnir gleymdu að hafa í huga í sínum viðskiptum þar sem græðgin ein réði ríkum. Verndum hinn almenna borgara. Burt með bankaleyndina strax.

Lögbanni mögulega hnekkt

Embætti lögreglustjóra út á land

Ef af þessu verður þá ætla ég rétt að vona að tekið  verði tillit til landfræðilegrarlegu sveitafélaga. Einnig þarf að taka tillit til sveitfélaga sem búa við erfiðar samgöngur. Það þarf að taka tillit til skemmtanahefða út á landi ekki síst þar sem samgöngur eru erfiðar.  Það má ekki verða flóknara en nú er að fá leyfi til að halda ýmsar hefðbundnar skemmtanir s.s  þorrablót? Nógu flókið er að fá skemmtanaleyfi í dag ef halda á einhverja skemmtun.  Ef af þessum breytingum verður þá væri gott að fá embætti lögreglustjóra út á land t.d. á Breiðdalsvík .

„Róttækar breytingar“

Lok, lok og læs.

Það er bara ekkert annað.

Lokuðu skrifstofum

Ótrúleg frétt

Hvernig er hægt að splundra fjölskyldum í stríðshrjáðum löndum á þennan hátt?  Þó svo að við Íslendingar séum í mikilli kreppu þá megum við ekki gleyma okkar minnsta bróður. Mér finnst hræðilegt að vita af þessari ungu stúlku svona langt í burtu frá móður sinni og systkinum. Maður finnur til í hjarta sínu, því sem móðir get ég svo auðveldlega sett mig í spor móður Aydu. Ayda hún er ekki nema 18 ára, hún er bara unglingur  og á að vera hjá móður sinn ásamt manni sínum. Ekki gleyma okkur í eigin eymd, hjálpum þeim heim.  

Móðirin á Skaga, dóttirin í Írak

Vöndum okkur no.1,2,og 3.

Nú er ég sammála þér Ögmundur. Ég er að verða þeirrar skoðunnar að betra sé að flýta sér hægt í þessu efni. Þetta frumhlaup Hollendinga um að hvetja Alþingi Íslendinga til að skrifa undir  ( það kom fram í fréttum sjónvarps í kvöld ) vekur upp enn fleiri efasemdir í mínum huga en áður. Hvers vegna þurfum við að flýta okkur svona?  Af hverju ekki að vanda sig og gefa sér tíma? Þetta er risaverkefni sem skiptir þjóðarbúið miklu máli.

Ögmundur: Hugsum um þjóðarhag

Reynum að horfa á þetta þverpólitískum augum.

Vonandi fara línur að skýrast í þessu máli. Þetta getur ekki gengið svona áfram . Hver höndin upp á móti annari. Íslendingar reynum að ná lendingu og horfum ( þó ekki sé nema þetta eina mál)  þverpólitískum augum á málið.

Tjáir sig ekki um ummæli Lilju

Hverjum á maður að trúa???

Hvers vegna eigum við að borga hrun fyrirtækja sem voru í einkaeign? Þetta er eitt af því sem ég hef aldrei skilið í sambandi við hrun bankanna.   Það er óþolandi að vera í þessari stöðu.  Ekki bætir úr skák að  umræðan í þjóðfélaginu er þannig að maður veit ekkert hverjum maður á trúa. Það virðist hver höndin vera upp á móti annari, sama hver á í hlut. 

Á maður að trúa Seðlabankanum ?

Á maður að trúa minnihlutanum á þingi sem er ekki einu sinni sammála um hvað gera skuli?

Á maður að trúa meirhlutanum á þingi sem er heldur ekki sammála um hvað eigi að gera?

Hvar endar þetta eiginilega?

Alvarlegt að synja Icesave

Er hægt að ná betri samningi??

Ég held að það sé mjög erfitt fyrir leikmenn að segja til um hvort Icesave samningurinn sé góður eða slæmur. Fyrir mér er í raun allt slæmt í stöðunni eins og hún er. Ég velti  hins vegar fyrir mér hvort þessi togstreita á þingi sé aðför stjórnarandstöðu til að  reyna að sprengja stjórnina.  Eða er raunverulega  hægt að ná betri samningum?  Hver getur svarað því ?

Icesave-skuldbindingarnar ekki hættulegastar

Margir eiga um sárt að binda

Það er vel skiljanlegt að bankastarfsmönnum líði illa eftir allt það sem á undan er gengið.

Ég þekki bankastarfsmann sem tók út fyrir að selja fólki aukalífeyrissparnað í svokölluðu góðæri, hann hætti því fyrir hrun. Hann sagðist ekki hafa haft geð í sér að ginna fólk til að taka þátt í rúllettu sem hann var á móti.  Það er eflaust  fleiri bankastarfsmönnum sem líður svipað og vini mínum núna. En þeir voru bara að sinna vinnunni sinni. Það er ekki fallegt að láta skap sitt bitna á þeim.

Bankamenn fá áfallahjálp